Mohammad Rasuloollah Salallaho alaihe Wasallam k ilm-e-gaib

Nabi-e-paak Sallal laho tala alaihi wa aalehi wassallam ka ilm-e-gaib
Ek martaba huzoor Sallal laho tala alaihi wa aalehi wassallam ne hazrat abu hurairah radiAllaho tala anhu ko sadqa-e-fitr ki hifazat ke liye mukarrar farmaya hazrat abu-hurairah radiAllaho tala anhu raat bhar uss maal ki hifazat farmate rahe
Ek raat ek chor aaya aur maal churane laga hazrat abu-hurairah ne use dekh liya usse pakad liya! farmaya : me tujhe huzoor Sallal laho tala alaihi wa aalehi wassallam ki khidmat me pesh karunga
Uss chor ne minnat-samajat karna shuru kardi! kaha, khudara mujhe chhod do me sahib-e-aayaal (biwi-bachche wala) hoon aur mohtaaj hoon!
Hazrat abu-hurairah ko reham aa gaya aur use chhod diya! subah hazrat abu-hurairah jab bargah-e-risalat me haazir huye to huzoor ne muskura kar farmaya, bbu-hurairah! wo raat wale tumhare qaidi (chor) ne kya kiya??????
Hazrat abu-hurairah ne arz liya, ya RasoolAllah Sallal laho tala alaihi wa aalehi wasallam usne apni ayaaldari aur mohtaaji bayaan ki to mujhe reham aagaya aur maine chhod diya!
Huzoor ne farmaya, usne tumse jhoot bola! Khabardar rehna! aaj raat wo fir aayega!
hazrat abu-hurairah kehte he ki me dusri raat bhi uske intejaar me raha! kya dekhta hoon ki wo waakayi fir aa pahuncha aur maal churane laga! maine fir use pakad liya! usne fir minnat-khushamad ki aur mujhe fir rahem aagaya aur maine fir chhod diya, subah jab huzoor ki bargah me haazir hua to huzoor ne fir farmaya :
abu hurairah! wo raat wale qaidi ne kya kiya?????
Maine fir arz kiya, ki ya RasoolAllah! wo apni haajat bayaan karne laga to mujhe rahem aagaya aur maine fir use chhod diya!
Huzoor ne farmaya, usne tumse jhoot kaha, khabardar! aaj wo fir aayega!
Hazrat abu-hurairah kehte he ki tisri raat wo fir aaya! maine use pakadkar kaha ki kambakhat aaj na chhodunga aur huzoor ke paas zarur le kar jaaunga! wo bola, hazrat abu-hurairah! main tumhe kuchh aise kalimaat sikhana chahta hoon jinnko padhne se tum nafa me rahoge! suno!
Jab sone lago To aayatul-kursi padhkar soya karo! isse Allah tumhari hifazat farmayega aur shaitaan tumhare nazdiq nahi aa sakega! hazrat abu-hurairah kehte he wo mujhe ye kalimaat sikhakar mujhse rihayi pa gaya! maine jab subah huzoor ki bargah me ye saara kissa bayaan kiya to huzoor ne farmaya, usne ye baat sachchi kahi he! Halaaki khud wo bada jhoota he! kya tum jaante ho, aye abu-huraira, ki wo 3 raat aane wala kaun tha??????
Maine arz kiya, nahi ya RasoolAllah! main nahi jaanta! toh huzoor ne farmaya, wo shaitaan Tha!
[[ mishkaat sharif , page:177 ]]
Sabaq : hamare huzoor Sallal laho tala alaihi wa aalehi wassallam guzre hue aur hone wale sab waqiyaat ko jaante he! Hazrat abu-hurairah radiAllaho tala anhu ke paas raat ko chor aaya to huzoor ne khud hi farmaya ki abu-huraira ki raat ke qaidi ne kya kiya????????
Fir ye bhi farmaya ki aaj fir aayega! chunanche wahi kuchh hua jo huzoor ne farmaya! malum hua ki huzoor Sallal laho tala alaihi wa aalehi wassallam aalim-e-ma-ka-na-wa-ma-yakun he
jo log humare pyare aaqa ko aalim-e-gaib nahi mante maazAllah unki pehchan bi to gaib da nabi ne 1400 sal se pehle hi bata di
Allhamdolillah inka wajud hona bi mere aaqa ke ilm-e-gaib ki daleel heeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeeee